Ikasturte berriaren iritsieraz, berriz ere ekingo diogu master klaseen gure programari. Hainbat kirolatan aritzen diren emakumezko kirolari arabarrak Arabako ikastetxeetatik ibiliko dira euren historiak partekatzeko, beste neska batzuentzat inspirazio-iturri izan daitezen. Aurten, waterpoloa, atletismoa, errugbia eta boleibola izango dira kirol protagonistak.
Gure hizlariak
Rugby
Ainhoa, Beatriz, Ilargi eta Leire Gaztedi Rugby Taldearen jokalariak dira. Denek daramate bost urte talde horren koloreak defendatzen, eta taldeko zutabe bilakatu dira. Ainhoak badaki zer den Euskadiko selekzio absolutuaren koloreak janztea. Beatrizek Toledo eta Irlandako taldetan egin du denboraldi bana. Ilargi UPV-EHUko unibertsitate selekzioko kide izan da. Leire, taldeko gazteena, behin baino gehiagotan izan da deitua Euskadi Sub-18 selekzioko kide izateko.
Waterpolo
Ona Pérezek 24 urte ditu eta 8 urte zituenetik jokatu du waterpoloan, izan ere, kirol horretako entrenatzaile eta jokalari familia batetik dator. Badaki zer den emakumezkoen lehenengo dibisioan edo Euskadiko selekzioan jokatzea. Iazko denboralditik Vitoria-Gasteizko Lautada Waterpolo Klubean dabil bigarren entrenatzaile, eta Euskadin postu horretan diharduen emakume bakarra da.
Atletismo
Yaiza Cristóbal etorkizunerako proiekzio onenetakoa duen gure atletetako bat da. Heziketa fisikoko bere irakasleak bultzatuta, atletismo mota desberdinetan hartu du parte, bai landan barrena, bai pista estalian. Euskadiko selekzioarekin lehiatu da txapelketa nazionaletan eta emaitza oso onak lortu ditu. Junior modalitatean Euskadiko txapelduna izan da 1500 metrotan, bi aldiz jarraian, baita 3000 metrotan nahiz 5000 metrotan ere.
Boleibol
Itziar Aldea, Ainhoa Fernández eta Oihana Etxeberria boleibol jokalariak dira. Oso gazteak badira ere, jakin badakite zer den maila gorenean lehiatzea. Denek maite dute boleibola, izan ere, txikitatik jokatzen dute kirol horretan. Aurtengo denboraldia berezia izango da beraientzat, estatuko 1. dibisioan estreinatuko dira eta.
Eska ezazu master klase bat
Zure ikastetxean master klase bat ematea nahi izanez gero, idatz iezaguzu info@siquiero.eus postara edo dei iezaguzu 647566579 telefonora..